Ukrayna 18-25 yaş arası gəncləri orduya çağırmağa hazırlaşır
Dünya
25 Yan 2025 13:40
Yaxın günlərdə Ukrayna Prezidentinin Aparatı 18 yaşdan 25 yaşa qədər olan kişilərin hərbi xidmətə çağırılması ilə bağlı qanunvericiliyə dəyişiklik təklif edəcək.
News365.az xəbər verir ki, bu barədə Prezident Administrasiyasının Milli Təhlükəsizlik və Müdafiə Departamentinin müşaviri Nikolay Şçur "TSN.ua"ya şərhində bildirib.
“Həm qanunvericilikdə, həm də prezident fərmanlarında bir sıra dəyişikliklər olacaq. Hazırda bəzi məsələlər razılaşdırılır", - deyə o bildirib.
Şçurun sözlərinə görə, konsepsiya Müdafiə Nazirliyi, Ukrayna Silahlı Qüvvələrinin Baş Qərargahı və ictimai təşkilatların nümayəndələrindən yaradılmış işçi qrup tərəfindən hazırlanıb.
