Rusiyanın Xalq artisti Şamaxıda kimi axtarır?

Populyar estrada müğənnisi, Rusiyanın Xalq artisti  Stas Mixaylov yenidən Azərbaycana gəlib. Mixaylov ailəsi ilə birlikdə Sumqayıtda əcdadlarının məzarlarını ziyarət edib, Şamaxıda da olub. Müğənni sosial şəbəkədəki səhifəsində Azərbaycan paytaxtına həsr olunmuş paylaşım edib və onu bu şərhlə müşayiət edib:

“Bir daha salam, Bakı! Görüş əla keçdi. Ən yüksək səviyyədə."

Xatırladaq ki, Bakıda keçirilən “DREAM Fest” beynəlxalq musiqi festivalı zamanı sənətçi  atası tərəfdə olan azərbaycanlı köklərindən danışıb:

“Mənim ulu nənəm Azərbaycanda dəfn edilib, biz Sumqayıtda onun qəbrini ziyarət etmişik. Mənim atam Azərbaycanın Şamaxı şəhərindəndir. O, həmişə hərbçi olmaq istəyib, ona görə də Bakıya aviasiya məktəbinə daxil olmağa gəlib. Xidmət zamanı atamı Adlerə yolladılar.

Beləcə də mənim ailəmin Şamaxıdan Soçiyə gedən yolunun başlanğıcı qoyuldu. 1968-ci ildə biz Soçiyə yerləşdik. Atam hər zaman Azərbaycana gəlmək istəyib, mən xoşbəxtəm ki, onun arzusu həyata keçib. Özüm Bakıya sonuncu dəfə 10 yaşım olanda gəlmişəm.

İndi ikili hisslər yaşayıram. Bir tərəfdən yaddaşımda uşaqlıqdan mənə tanış olan Bakını canlandırmağa çalışıram, digər tərəfdən isə şəhər o qədər dəyişib, genişlənib və gəncləşib ki, bəzi rakurslardan hətta tanınılmaz hala gəlib. Amma tikinti miqyası, memarların gözəl zövqü yaxşı mənada təəccübləndirir”.

News365.az