“Ramiz Mehdiyev Prezidentə və şəhidlərimizə ən böyük xəyanəti edib” - Məlahət İbrahimqızı

"Bir neçə gündür ki, mətbuatda əsas məsələ Səbail Rayon Məhkəməsində Ramiz Mehdiyevə dövlətə xəyanət, hakimiyyəti zorla ələ keçirmə və ya onu zorla saxlama, cinayət yolu ilə əldə edilmiş pul vəsaitlərinin leqallaşdırılması maddələri ilə ittiham olunaraq onun haqqında  4 aylıq ev dustaqlığı qətimkan tədbiri seçilib".

News365.az-ın məlumatına görə, bu sözləri Milli Məclisin plenar iclasında deputat Məlahət İbrahimqızı bildirib. 

"Azərbaycan xalqı çox yaxşı bilir ki, Ramiz Mehdiyev kimi dövlət hərisləri olsa da, onlar cənab Prezidentin "dəmir yumruğu" qarşısında çox acizdirlər", - deyə o, çıxışı zamanı vurğulayıb. 

“Müstəqilliyin ilk illərində dövlət çevrilişi etmək istəyənlər də bunu bacarmadı və xalq Heydər Əliyevin ətrafında birləşdi". 

Deputat qeyd edib ki, Ramiz Mehdiyevin bu addımı Azərbaycanı dünyada tanıdan Prezident İlham Əliyev, o cümlədən azadlıq, müstəqilliyimiz uğurunda canından keçən şəhidlərimizə ən böyük xəyanətdir. 

“Tarix bu günü unutmayacaq. Ramiz Mehdiyev və onun silahdaşları mütləq cavab verəcək” – deyə o sonda qeyd edib. .