"Paşinyan ölkəsini Azərbaycanla danışığa gətirib"- İsrailin xarici işlər naziri

İsrailin xarici işlər naziri Gideon Saar Ermənistanın baş naziri Nikol Paşinyan və onun rəhbərlik etdiyi Vətəndaş Müqaviləsi Partiyasını parlament seçkilərində qazandıqları qələbə münasibətilə təbrik edib.

News365.az xəbər verir ki, Gideon Saar bununla bağlı paylaşımında Paşinyanın liderlik keyfiyyətləri nümayiş etdirdiyini bildirib.

İsrailli nazir qeyd edib ki, Paşinyan Azərbaycanla sülh və barışıq prosesinin irəlilədilməsi istiqamətində mühüm addımlar atıb.

Saarın sözlərinə görə, bu proses regionda sabitliyin və əməkdaşlığın güclənməsinə töhfə verəcək.