Parlamentdə ilkin səhiyyə xidməti ilə bağlı dinləmə keçiriləcək - YENİLƏNİB

Milli Məclisin yaz sessiyası müddətində səhiyyə sahəsinə dair iki dinləmənin keçirilməsi nəzərdə tutulub. 

News365.az xəbər verir ki, bu, parlamentin Səhiyyə komitəsinin 2025-ci ilin yaz sessiyası üçün iş planının layihəsində əksini tapıb. 

Komitənin bugünkü iclasında məlumat verilib ki, sessiya dövründə “İlkin səhiyyə xidməti: mövcud vəziyyət, görülən işlər, problemlər və onların həlli yolları” və “Dərman vasitələri haqqında” qanunun monitorinqi ilə bağlı ictimai dinləmələr keçiriləcək.

  *** 

Milli Məclisdə ilkin səhiyyə xidməti ilə bağlı dinləmə keçiriləcək. 

News365.az xəbər verir ki, bununla əlaqədar parlamentin Səhiyyə komitəsinin 2025-ci ilin yaz sessiyası üçün iş planının layihəsində öz əksini tapıb. 

Dinləmənin yaz sessiyası ərzində reallaşdırılacağı qeyd edilib.