Pakistan Ermənistanla diplomatik münasibətlər qurur

Ermənistanın xarici işlər naziri Ararat Mirzoyan və pakistanlı həmkarı İshaq Dar Çində keçirilən Şanxay Əməkdaşlıq Təşkilatının (ŞƏT) sammiti çərçivəsində görüş keçirib və diplomatik münasibətlər qurmaq qərarını açıqlayıblar.

Bu barədə Ermənistan Xarici İşlər Nazirliyinin Mətbuat Xidmətindən məlumat verilib.

"Həmsöhbətlər Ermənistan və Pakistan arasında diplomatik münasibətlərin qurulması qərarını məmnunluqla qeyd ediblər və ikitərəfli əməkdaşlığın inkişaf perspektivlərini müzakirə ediblər", - press-relizdə deyilir.