Nöqsanlar aşkarlanan restoranın fəaliyyəti məhdudlaşdırıldı

Bərdə rayonunun Mirzəcəfərli kəndində fəaliyyət göstərən, Elnur Saleh oğlu Sadıxova məxsus "Muğan Məkanı" restoranında yoxlama keçirilib.

News365.az xəbər verir ki, bu barədə Azərbaycan Qida Təhlükəsizliyi Agentliyi məlumat yayıb.

Bildirilib ki, baxış zamanı restoranda sanitar norma və qaydalarının pozulduğu, sanitar-texniki və sanitar-gigiyenik tələblərə əməl olunmadığı aşkarlanıb.

Faktla bağlı sahibkar barəsində inzibati protokol tərtib edilib, icrası məcburi göstərişlər verilib və restoranın fəaliyyəti məhdudlaşdırılıb.