Makron Çində: Ukrayna və ticarət gündəmdə

Fransa Prezidenti Emmanuel Makron çərşənbə günü üç günlük rəsmi səfər üçün Çinə gedib. Səfərin əsas məqsədi Ukrayna münaqişəsində atəşkəsin təmin olunmasına dair Rusiyaya təzyiq göstərmək üçün Pekinlə əməkdaşlıq imkanlarını müzakirə etməkdir.

News365.az xəbər verir ki, “Associated Press”in məlumatına görə, Makron səfər çərçivəsində həmçinin ticarət və iqtisadi əməkdaşlıq məsələlərinə də fokuslanacaq.

Fransız prezidentinin ofisi açıqlayıb ki, Makron Çindən Fransa iqtisadiyyatına daha çox investisiya cəlb etməyi və fransız məhsullarının Çində bazara çıxışını asanlaşdırmağı planlaşdırır.

Səfər zamanı iki ölkənin rəsmiləri enerji, qida və aviasiya sahələrində bir sıra razılaşmalar imzalayacaqlar. Makron isə ədalətli və qarşılıqlı faydalı bazar imkanlarını qorumağa sadiqliyini vurğulayıb.

News365.az