İsrailin Müdafiə Ordusu Beyrutun cənub ətrafındakı Burc-əl-Barajne
bölgəsindəki bəzi evlərin sakinlərini ərazidə "Hizbullah" hərəkatının
obyektlərinin yerləşdiyi üçün dərhal tərk etməyə çağırıb.
News365.az xəbər verir ki, bu barədə İsrail ordusunun nümayəndəsi Avihay Adri
sosial şəbəkədəki səhifəsində yazıb.
"Cənubda
şəhərətrafı sakinlər, xüsusən də Burj-əl Barajne rayonundakı xəritədə
göstərilən binada olanlar üçün təcili xəbərdarlıq. Siz "Hizbullah"ın
obyektlərinə yaxınsınız. Özünüzün və yaxınlarınızın təhlükəsizliyi üçün dərhal
bu binadan, ona bitişik evlərdən evakuasiya etməli və onlardan ən azı 500 metr
məsafədə olmalısınız", - paylaşımda deyilir.
Xatırladaq ki, 2023-cü
il oktyabrın 7-də HƏMAS İsrailin nəzarətində olan ərazilərə hücum edib. Buna
cavab olaraq İsrail ordusu Qəzzada hərbi əməliyyatlara başlayıb.