İranın sabiq XİN başçısı: "Ölkə rəsmiləri xalqdan üzr istəməlidirlər"

Dünya

08 Fev 2025 15:30

İranın keçmiş xarici işlər naziri, hazırda ölkənin Parlamentlərarası İttifaqdakı nümayəndə heyətinin rəhbəri Mənuçöhr Mottəki İranın nüvə proqramı üzrə Birgə Hərtərəfli Fəaliyyət Planını (JCPOA) tənqid edib.

News365.az bu barədə "Azad İran"a istinadən cəbər verir.

"Birgə Hərtərəfli Fəaliyyət Planının proqramı İrana qarşı sanksiyaları ləğv etməli idi, amma alınmadı. Məncə, ölkə rəsmiləri nüvə danışıqları üzrə Birgə Hərtərəfli Fəaliyyət Planı ilə bağlı xalqdan üzr istəməlidirlər. Biz Birgə Hərtərəfli Fəaliyyət Planında zəmanət verdik, lakin zəmanət almadıq", - deyə Mənuçöhr Mottəki qeyd edib.