Hindistan kinosunun Azərbaycanlı aktyoru- FOTO

Bahadur Əliyev 24 fevral 1933-cü ildə Masallı rayonunun Sığıncaq kəndində anadan olub. 1957-ci ildə İncəsənət İnstitutunun kino və dram aktyorluğu fakültəsini bitirib. “Ulduz” filmində yaratdığı kolxoz sədri Qədir obrazı ilə məşhurlaşıb. Hətta tamaşaçılar Qədir obrazının replikalarını əzbər bilirlər.

Lakin, o, yalnız Azərbaycan kinosunda deyil, həm də SSRİ ilə Hindistanın birgə istehsal etdiyi məşhur “Əlibaba və 40 quldur” filmində də rol almışdır.

1970–1980-ci illərdə Hindistan və SSRİ kinostudiyaları birgə layihələr həyata keçirirdilər. “Əlibaba və 40 quldur” layihəsi də belə bir əməkdaşlıq nəticəsində meydana çıxmışdı. Hindistan tərəfi film üçün SSRİ aktyorlarından birini fiziki səhnələrdə iştirak etməyə dəvət etmək istədi.

O dövrdə Bahadur Əliyev Azərbaycan kinosunda artıq tanınmış aktyor idi.Onun xarakter rolunda uğur qazanması və dramatik bacarığı, həmçinin bədən dili və mimikası Hindistan tərəfi üçün maraqlı idi. Hindistan kino nümayəndələri SSRİ-yə gəlir və layihə üçün aktyor axtarır. Bahadur Əliyev “Azərbaycanfilm” kinostudiyası tərəfindən tövsiyə olunur.

Onun fiziki görünüşü və dramatik bacarığı quldur obrazına uyğun hesab edilir. “Azərbaycanfilm” kinostudiyası Bahadur Əliyevi dəstəkləyir və sənədlərin hazırlanmasına kömək edir.

Qeyd edim ki, Latif Fəiziyev, SSRİ-nin məşhur rejissorlarından biri olub və bu film onun rəhbərliyi altında çəkilib. Filmin Hindistan tərəfi isə rejissor Umeş Mehra olub. Film SSRİ və Hindistanda çəkilib. Bu rejissorların birgə ilk layihəsi idi.

Çəkilişlərin 70%-i ilk növbədə Özbəkistanda aparılıb. Məkan çəkilişləri Buxarada, Daşkənddə və qonşu Düşənbədə aparılıb.

Hindistandan başqa film Rusiya, İtaliya, Fransa, Macarıstan, Polşa, Finlandiya, Türkiyə və Çexoslovakiyada da nümayiş etdirilib.

“Azərbaycanfilm” kinostudiyası və SSRİ mədəniyyət nazirliyi vasitəsilə rəsmi dəvət göndərildi.

Bu filmdə o, quldurlardan birinin obrazını canlandırmışdır. Bu film, 1980-ci illərdə Sovet İttifaqında geniş yayıldığı üçün, Bahadur Əliyevin Hindistan kinosunda da tanınmasına səbəb olmuşdur. Onun bu filmə qatılması, həmçinin Hindistan kinosunun Sovet auditoriyası ilə tanışlığını artırmışdır.

Bahadur Əliyev həmçinin, Hindistan filmlərinin Azərbaycan dilinə dublyajında da fəal iştirak etmişdir. “Azərbaycanfilm” kinostudiyasında dublyaj sexinin direktor müavini olaraq, o, Hindistan və digər xarici filmlərin Azərbaycan dilinə uyğunlaşdırılmasında mühüm rol oynamışdır.

Onun səsi, xüsusilə hind filmlərinin Azərbaycan tamaşaçıları tərəfindən daha yaxşı qəbul edilməsinə kömək etmişdir.

Qeyd edək ki, Bahadur Əliyev 2002-ci ildə vəfat etmişdir.