Ərdoğan Sülh Sammitində iştirak edəcək

Türkiyə Prezidenti Rəcəb Tayyib Ərdoğan Qəzzada atəşkəs razılaşmasını müzakirə etmək üçün Misir Prezidenti Əbdülfəttah əs-Sisi və ABŞ Prezidenti Donald Trampın dəvəti ilə Sülh Sammitinə qatılacaq.

News365.az bu barədə "Haber Global"a istinadən xəbər verir.

Məlumata görə, Türkiyə Prezidenti Administrasiyasının kommunikasiyalar üzrə direktoru Burhanəddin Duran dövlət başçısının 13 oktyabr 2025-ci ildə Şarm əl-Şeyxə gedəcəyini, sammitdə çıxış edəcəyini və iştirakçı ölkələrin liderləri ilə ikitərəfli görüşlər keçirəcəyini açıqlayıb.

Qeyd edək ki, sammitin Yaxın Şərqdə davamlı sülhün əldə edilməsi istiqamətində mühüm addım olacağı gözlənilir.