Əfqanıstan ilk dəfə Rusiyaya təzə nar ixrac edib

Əfqanıstanın qərbindəki Herat əyalətindəki Torqundi limanı vasitəsilə ölkə ilk dəfə olaraq Rusiyaya təzə nar ixrac edib.

News365.az xəbər verir ki, bu barədə Əfqanıstan hökumətinin sözçüsü Zəbihullah Mücahid sosial şəbəkədə paylaşım edib. O bildirib ki, bu ixrac prosesi məhsullar, xüsusilə də nar üçün yeni bazarlar açacaq və ölkənin ixrac sektorunun inkişafına töhfə verəcək.

Əfqanıstan daha çox Pakistana təzə və quru meyvələr göndərir, lakin son dövrlər iki ölkə arasında sərhəd gərginliyi ticarət əlaqələrinə mənfi təsir göstərib. Bunun nəticəsində Əfqanıstan Mərkəzi Asiya ölkələrinə, o cümlədən Tacikistan, Özbəkistan və Türkmənistana ixracını əhəmiyyətli dərəcədə artırıb.

News365.az