Düzgün qidalanmamaq bağırsaq mikroblarının inkişafına səbəb olur

Xəstəliklərdən və antibiotik kursundan sonra tükənmiş bağırsaq mikrobiomunun bərpasına diqqət artır.

Maraqlıdır ki, yeni elmi araşdırmaya görə, “daxili rahatlığınızı” yaxşılaşdırmağın ən təsirli yolu sağlam yeməkdir.

Tədqiqatçı alimlər bir neçə həftə ərzində siçanlar ya adi Qərb pəhrizini təqlid edən, yüksək şəkər və az liflə, ya da balanslaşdırılmış, qidalı pəhrizlə qidalanıblar. Daha sonra onların bağırsaq mikrobiomları antibiotiklərlə süni şəkildə məhv edilib. Və komanda onların sağalmasını izləyib.

Nəticələr göstərib ki, sağlam qidalanan siçanlarda mikrobiom cəmi bir həftə ərzində normal səviyyəyə yaxın vəziyyətə gətirilib. Eyni zamanda, Qərb pəhrizinə uyğun olaraq yeməyə davam edən heyvanlarda mikrobiota pozulmuş olaraq qalıb.

Növbəti mərhələdə elm adamları mikrobiomun başqa bir əsas funksiyasına diqqət yetiriblər. Onun müdafiəsi zəiflədikdə orqanizmə hücum edə bilən “fürsətçi” patogenlərdən qorunma. Alimlər qeyri-sağlam qidalanmanın zəifləmiş mikrobiomu infeksiyaya qarşı xüsusilə həssas edə biləcəyini öyrənmək istəyirdilər. Mikrobiota məhv edildikdən iki həftə sonra siçanlara fürsətçi bakteriyalar (salmonella) yeridildi və yenidən pəhriz növünə görə qruplara bölündü.

Nəticədə, Qərb pəhrizi ilə qidalanan fərdlər əhəmiyyətli dərəcədə xəstələndilər və infeksiyaya qarşı həssaslığın artdığını nümayiş etdirdilər.

Nəticə sadədir: bağırsaq mikrobiomunuzu və bununla da immunitetinizi yaxşılaşdırmaq istəyirsinizsə, sağlam pəhrizdən daha yaxşı yol yoxdur.

News365.az