Dünyanı xilas edəcək icad - Özünü yeyən canlı plastiklər

Çinli alimlər uyğun şəraitdə öz-özünü yeyən "canlı plastik" icad ediblər. 

News365.az xəbər verir ki, Çinlilər dövrümüzün bəlasına çevrilən plastik tullantılardan xilas olmağın yolunu tapıblar.

Çinli alimlər içərisinə xüsusi bakteriyalar yerləşdirdikləri plastiklər hazırlayıblar. Həmin genetikası dəyişdirilmiş"Bacillus subtilis" adlı bakteriyalar "Lipaz BC" adlı plastiki parçalaya bilir.

"Kompost" adlı təbii həll olma üsulu ilə torpağa qoyulan plastik 25-30 gün ərzində tamamilə yox olur. Laboratoriya şəraitində isə bu müddəti 6-7 günə qədər aşağı salmaq mümkündür.

Bu yeni plastiklər normal plastiklər kimi güclüdür. İnsanlıq üçün, təbiət üçün ümidverici bir icaddır.