"Dərin yuxunun 1 nömrəli sirri" – Yatmazdan əvvəl içiləcək ən effektli şirə
Keyfiyyətsiz yuxudan və gecələr tez-tez oyanmaqdan əziyyət çəkənlər üçün mütəxəssislər təbii bir həll yolu təklif edirlər. Dərin və rahat yuxuya getmək üçün ən effektli içkinin turş albalı şirəsi olduğu bildirilir.
NYU Langone Sağlamlıq Yuxu Mərkəzinin direktoru, doktor Alsiviades Rodrigezin sözlərinə görə, albalı şirəsinin effekti onun tərkibindəki maddələrin kompleks təsirindən irəli gəlir:
Sürətli yuxuya getmə: Tərkibindəki təbii melatonin və triptofan orqanizmin yuxu-oyanma dövrünü tənzimləyərək daha tez yuxuya getməyə kömək edir.
Gecə bərpası: Güclü antioksidant və iltihab əleyhinə təsirə malik polifenollar və antosiyaninlər əzələlərin və sinir sisteminin gecə ərzində dincəlib bərpa olunmasını təmin edir.
Albalı şirəsi yuxu keyfiyyətini necə artırır?
Mütəxəssis qeyd edir ki, albalı şirəsinin faydası yalnız bir komponentlə məhdudlaşmır, tərkibindəki elementlərin sinerjisi hesabına baş verir. Müasir tədqiqatlar xüsusilə yuxu pozğunluğu olan yetkin şəxslərdə bu şirənin yuxu müddətini və səmərəliliyini hiss olunacaq dərəcədə yaxşılaşdırdığını göstərir.
Həmçinin albalı, balıq kimi melatonin və triptofanla zəngin gıdaların, eləcə də sink, B və D vitaminlərinin qəbulu qanda melatonin səviyyəsini artıraraq yuxu keyfiyyətinə müsbət təsir göstərir.
Nə qədər və nə vaxt içilməlidir?
Yuxunu normallaşdırmaq üçün böyük miqdarda şirə içməyə ehtiyac yoxdur:
Doza: Əksər elmi tədqiqatlarda optimal miqdar olaraq təxminən 230 ml (1 stəkan) 100%-li təbii turş albalı şirəsi götürülür.
Qəbul vaxtı: İçkini yatmazdan təxminən 1-2 saat əvvəl içmək məsləhət görülür.
