Çin robot əsgərlər hazırlayır

Çin ordusu gələcək döyüş meydanlarında insana bənzər robotların hərbçilərlə birlikdə fəaliyyət göstərə bilməsi üçün işləri sürətləndirir. 

News365.az xarici mediaya istinadən xəbər verir ki, kəşfiyyat, logistika, təhlükəli ərazilərə daxilolma və şəhər döyüşləri də daxil olmaqla müxtəlif ssenarilər üzərində araşdırmalar aparılır. Lakin hazırda silahlandırılmış insana bənzər robotların döyüş bölmələrində istifadə edildiyini təsdiqləyən sübut yoxdur.

Çin ordusu insana bənzər robotların hərbi məqsədlərlə istifadəsi imkanlarını araşdırır. “Reuters”in 100-dən çox hərbi sənəd, elmi araşdırma və təchizat qeydini təhlil etməsinə əsasən, işlər əsasən robotların ətraf mühiti qavraması, hərəkəti, obyektləri idarə edə bilməsi və təlim məlumatlarının hazırlanması istiqamətlərində aparılır.

Çin istehsalçıları 2025-ci ildə dünya üzrə insana bənzər robot tədarükünün təxminən 95 faizini həyata keçirib.