Bu məmur vəzifəsindən azad edilə bilər - xəbərdarlıq edildi

Bakı Şəhər İcra Hakimiyyətində paytaxtın təsərrüfat subyektlərinin rəhbərlərinin iştirakı ilə müşavirə keçirilib.

News365.az-ın məlumatına görə, müzakirə zamanı Bakı Şəhər Mənzil-Kommunal Təsərrüfatı Departamenti Əhaliyə Vətəndaşlıq Xidməti Trestinin işinə xüsusi diqqət yetirilib. Trestin rəhbərliyi daxili audit zamanı aşkar edilən nöqsanlara görə ciddi tənqid edilib.

Bununla əlaqədar Bakı Şəhər Mənzil və Kommunal Təsərrüfatı Departamentinin rəhbərliyinə trestin rəhbərinin vəzifədə saxlanılmasının mümkünlüyünü nəzərdən keçirmək tapşırılıb.

Qeyd edək ki, Əhaliyə Vətəndaşlıq Xidməti Trestinin rəhbəri Fəqan Məlikovdur. Departamentin sədri isə Rəfail Mehralıyevdir.