Binəqdədidəki yanğında 30 nəfər təxliyyə edilib - YENİLƏNİB

Bakının Binəqdədi rayonunda binada baş verən yanğında 30 nəfər təxliyyə edilib, 3 nəfər xilas olunub.

News365.az xəbər verir ki, bunu jurnalistlərə açıqlamasında Fövqəladə Hallar Nazirliyinin Dövlət Yanğından Mühafizə Xidmətinin Qərərargah rəisi İlqar Nəsibov deyib.

O bildirib ki, Bakı şəhəri, Binəqədi rayonu, Ağasadıq Gəraybəyli küçəsində yerləşən binada yanğın baş verməsi ilə əlaqədar əraziyə FHN-in qüvvələri cəlb olunub:

"Slavyan Universitetinin məcburi köçkünlərinin yaşadığı yataqxananın eyvanında yanar konstruksiyalar yanıb, 30 nəfər təxliyyə olunub, 3 nəfər xilas edilib, xəsarət alan yoxdur".

***

Fövqəladə Hallar Nazirliyinin “112” qaynar telefon xəttinə Bakı şəhəri, Binəqədi rayonu, Ağasadıq Gəraybəyli küçəsində yerləşən binada yanğın baş verməsi barədə məlumat daxil olub.

FHN-in Mətbuat xidmətindən News365.az verilən xəbərə görə, məlumatla əlaqədar dərhal əraziyə FHN-in Dövlət Yanğından Mühafizə, Xüsusi Riskli Xilasetmə xidmətlərinin və Bakı Regional Mərkəzinin qüvvələri cəlb olunub.

Hazırda yanğınla mübarizə tədbirləri davam etdirilir.

Əlavə məlumat veriləcək.