Binə qəsəbəsinin yol problemi: Sakinlərin haqlı narazılığı təmin olunacaqmı?

Xəzər rayonu, Binə qəsəbəsində yol uzun müddətdir ki, bərbad vəziyyətdədir. 

Bununla bağlı News365.az-a məlumat daxil olub.

Belə ki, yolun çuxurlarla dolu olması nəqliyyatın hərəkətini məhdudlaşdırır və piyadalar üçün təhlükə yaradır.

Sakinlər problemin həlli üçün dəfələrlə müvafiq qurumlara müraciət etsələr də, hələlik heç bir nəticə əldə olunmayıb. Mövcud vəziyyətdən çıxış yolu tapmaq məqsədilə sakinlər şəxsi vəsaitləri hesabına yolun çuxurlarını betonla doldurmaq məcburiyyətində qalıblar.

Lakin bu, yalnız müvəqqəti bir həll yoludur və yolun əsaslı təmir olunmasına ciddi ehtiyac var.

Sakinlər aidiyyəti dövlət qurumlarından və bələdiyyədən xahiş edir ki, problemin həlli üçün təcili tədbirlər görülsün, yolun asfaltlanması həyata keçirilsin və normal hərəkət şəraiti təmin olunsun."

News365.az videonu təqdim edir: