Azərbaycanda siqaretlə bağlı qərar: Hər iki növ qadağan edilir

Özbəkistanda elektron siqaretlərin tam qadağan olunması barədə qərar regionda geniş müzakirələrə səbəb olub. Qonşu ölkənin bu addımı ictimai sağlamlığın qorunması istiqamətində atılmış ciddi addım kimi dəyərləndirilir. Artıq Azərbaycanda da analoji qərarın verilib-verilməyəcəyi sualı gündəmdədir.

Mövzu ilə bağlı  hüquqşünas Tağı Hüseynov Azərbaycanda da analoji addımın atılmasının mümkün olduğunu bildirib.

Onun sözlərinə görə, insan orqanizminə zərər verən bütün vasitələrin, o cümlədən elektron siqaretlərin qadağan olunması qanunvericilik çərçivəsində mümkündür:

Tağı Hüseynov

“İnsan orqanizminə zərərli hər hansı bir istifadə – istər elektron siqaret , istərsə də başqa vasitələr bizim ölkəmizdə də qadağan oluna bilər. Bu, qanunvericiliklə tam mümkündür. Hətta mən belə bir addımı dəstəkləyirəm. Çünki bəzən deyirlər ki, elektron siqaret zərərsizdir, amma mən buna inanmıram. Heç bir halda zərərsiz ola bilməz. Fikrimcə, siqaretin özü də nə vaxtsa qadağan olsa, daha yaxşı olar.” /// KONKRET.az