Azərbaycan əsilli qadın Rusiyada həbs edildi

Rusiyanın Ryazan şəhərinin sakini, Azərbaycanəsilli Rusiya vətəndaşı 5 il müddətinə azadlıqdan məhrum edilib.

News365.az xəbər verir ki, bu barədə məlumatı Rusiyanın Federal Təhlükəsizlik Xidmətinin Mətbuat xidməti yayıb. 

Adı açıqlanmayan 55 yaşlı qadın Ukraynanın hərbi kəşfiyyatı üçün məlumat toplamağa cəhddə ittiham olunub. 

Məlumata əsasən, o, cəzasını ümumi rejimli cəzaçəkmə müəssisəsində çəkəcək. 

Bildirilib ki, qadın vatsap və “Signal” messencerləri vasitəsilə Ukraynanın xüsusi xidmət orqanları ilə əlaqə yaradıb.