Oğuzda avtomobil ağaca çırpıldı: ÖLƏN VAR

Oğuzda ağır yol-nəqliyyat hadisəsi baş verib.

News365.az xəbər verir ki, hadisə Padar-Böyük Söyüdlü yolunun Padar kəndi ərazisində qeydə alınıb.

Hərəkətdə olan BMW markalı avtomobil idarəetmədən çıxaraq ağaca çırpılıb. Nəticədə, avtomobildə olan sərnişin, 21 yaşlı Rəvan Ağasəf oğlu Mirzəyev aldığı ağır xəsarətlərdən hadisə yerində ölüb.

Faktla bağlı araşdırma davam etdirilir.