Azərbaycan-Almaniya əlaqələrində yeni mərhələ

Prezident İlham Əliyev: “Mən tam əminəm ki, bu səfər bizim əlaqələrimizə yeni müsbət təkan verəcəkdir”

  Azərbaycan Respublikası və Almaniya Federativ Respublikası arasında ikitərəfli münasibətlər uzun illər ərzində inkişaf etmiş və müxtəlif sahələri əhatə etmişdir. Bu münasibətlər siyasi, iqtisadi, ticarət, mədəniyyət və elmi əməkdaşlıqla zənginləşmişdir. Azərbaycan və Almaniya arasında siyasi münasibətlər dostluq və qarşılıqlı hörmət prinsipləri üzərində qurulub. İki ölkə arasında yüksək səviyyəli danışıqlar və təmaslar mütəmadi olaraq həyata keçirilir. Azərbaycan və Almaniya arasında bir çox mövzularda müzakirələr aparılır, o cümlədən regional təhlükəsizlik, iqtisadi inkişaf, enerji sahəsi və insan hüquqları. Almaniya Federativ Respublikası Azərbaycan Respublikasının müstəqilliyini 12 yanvar 1992-ci il tarixində tanımışdır. İki ölkə arasında diplomatik münasibətlər 20 fevral 1992-ci il tarixində qurulmuşdur. Azərbaycanın Almaniyada Səfirliyi 2 sentyabr 1992-ci il tarixində açılmışdır. Almaniyanın Azərbaycanda Səfirliyi 22 sentyabr 1992-ci il tarixində açılmışdır. 1992-ci ildən etibarən Azərbaycan və Almaniya arasında siyasi, iqtisadi, mədəni və digər sahələrdə əməkdaşlıq inkişaf etməyə başlamışdır. Hər iki ölkə bir-birinin suverenliyinə və ərazi bütövlüyünə hörmət göstərmiş və beynəlxalq təşkilatlarda qarşılıqlı dəstək vermişlər.

  Almaniya Azərbaycanın müstəqilliyini tanıyan ilk Qərb ölkələrindən biri olmuşdur və bu münasibətlərin başlanğıcı həmçinin ikitərəfli əlaqələrin inkişafına təkan vermişdir. Diplomatik əlaqələrin qurulmasından sonra, xüsusilə iqtisadi, ticarət və mədəni sahələrdə sıx əməkdaşlıq getdikcə daha da güclənmişdir. Bu müddət ərzində hər iki ölkə müxtəlif sahələrdə müsbət inkişaflar əldə etmiş və müştərək layihələr həyata keçirmişdir. Azərbaycan Respublikasının Prezidenti İlham Əliyevin Almaniya Federativ Respublikasının Prezidenti Frank-Valter Ştaynmayerin aprelin 2-də Azərbaycana səfəri zamanı mətbuata verdiyi bəyanatda iki ölkə arasında əlaqələrin inkişaf tarixinə toxunmuşdur: “Həm təkbətək görüşdə söhbət əsnasında, həm də nümayəndə heyətlərinin iştirakı ilə apardığımız danışıqlarda Almaniya-Azərbaycan əlaqələrinin gələcək inkişafı müzakirə edilmişdir. Mən tam əminəm ki, bu səfər bizim əlaqələrimizə yeni müsbət təkan verəcəkdir. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq, xüsusilə bərpaolunan enerji sahəsində - harada ki, Almaniya şirkətlərinin çox böyük təcrübəsi var, Azərbaycanın da çox böyük proqramı, planları var. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik və bu, tam realdır, bunun bir hissəsi Avropaya ixrac ediləcəkdir”. Prezindetlərin danışıqları zamanı Azərbaycan ilə Almaniya arasında əməkdaşlığın mövcud beynəlxalq vəziyyətdə və qlobal çağırışlar fonunda necə daha da gücləndirilə biləcəyinə dair konkret təkliflər irəli sürülüb. Bu görüşlər, iki ölkə arasında əlaqələrin strateji tərəfdaşlıq səviyyəsinə yüksəlməsinə zəmin yaradacaq əhəmiyyətli addımların atılması üçün yaxşı bir platforma olub.

 Bu səfər, iki ölkə arasındakı əlaqələrin daha da möhkəmlənməsi və yeni əməkdaşlıq perspektivlərinin açılması baxımından mühüm əhəmiyyət kəsb edir. Prezident İlham Əliyev Almaniya ilə iqtisadi əlaqələrin daha da genişlənməsi üçün hər cür dəstəyə hazır olduqlarını bildirib və belə səfərlərin qarşılıqlı anlayış və əməkdaşlıq üçün mühüm töhfələr verdiyini vurğulayıb. Dövlət başçısının bu bəyanatı Azərbaycanın Almaniya ilə əlaqələrini daha da möhkəmləndirmək və iki ölkə arasında strateji əməkdaşlığı inkişaf etdirmək məqsədini daşıyır.

  Azərbaycan və Almaniya arasında davamlı siyasi dialoq mövcuddur, iqtisadiyyat və humanitar sahələrində geniş əməkdaşlıq həyata keçirilir. Bu siyasi dialoq hər iki ölkənin bir-birini daha yaxşı anlamasına və əməkdaşlıq sahələrində irəliləyiş əldə etmələrinə imkan verir. Bu əlaqələr çoxşaxəli və genişdir, xüsusən iqtisadiyyat və humanitar sahələrdə birgə fəaliyyətlər güclüdür. Azərbaycan və Almaniya arasında yüksək səviyyəli siyasi dialoq davamlı olaraq aparılır. Hər iki ölkə bir-birinin suverenliyinə, ərazi bütövlüyünə və daxili işlərinə hörmətlə yanaşır. Bu dialoq həm regional, həm də beynəlxalq məsələlərdə əməkdaşlığı əhatə edir. Avropa İttifaqı ilə əlaqələr, Cənubi Qafqazın təhlükəsizliyi, enerji siyasəti və digər qlobal məsələlərdə birgə mövqelər gücləndirilir. Diplomatik təmaslar, xüsusilə iki ölkənin Xarici İşlər Nazirlikləri arasında intensiv şəkildə həyata keçirilir.

 Almaniya Azərbaycanın mühüm ticarət tərəfdaşlarından biridir. Ticarət dövriyyəsi artmaqdadır və əsasən sənaye məhsulları, maşınlar, avtomobillər, texnologiya və kimya məhsullarının ixracını əhatə edir. Həmçinin, Azərbaycan öz təbii sərvətləri, xüsusilə enerji (neft və qaz) sektorunda Almaniya ilə əməkdaşlıq edir. Almaniya şirkətləri Azərbaycanda investisiya qoyurlar və bir çox sahələrdə, o cümlədən neft-qaz, infrastruktura, təhsil və təbiət resursları sahəsində fəaliyyət göstərirlər.

 Azərbaycan və Almaniya arasında ikitərəfli münasibətlər çoxşaxəlidir və hər iki tərəf bu əlaqələri daha da inkişaf etdirmək niyyətindədir. Siyasi, iqtisadi, mədəni və sosial sahələrdəki əməkdaşlıq, gələcəkdə daha da möhkəmlənə bilər, çünki bu əlaqələr həm Azərbaycan, həm də Almaniya üçün mühüm strateji əhəmiyyət kəsb edir. Almaniya Prezidentinin Azərbaycana son səfəri Azərbaycan ilə Almaniya arasında mövcud olan dostluq və tərəfdaşlıq əlaqələrinin daha da möhkəmlənməsi, həmçinin yeni əməkdaşlıq sahələrinin inkişafı baxımından əhəmiyyətli bir mərhələdir. Almaniya Azərbaycan üçün mühüm bir strateji tərəfdaş olmaqla yanaşı, Azərbaycan da Almaniya üçün Cənubi Qafqazda vacib bir tərəfdaşdır. Prezidentlər İlham Əliyev və Frank-Valter Ştaynmayerin apardığı danışıqlar, iki ölkənin iqtisadiyyat, ticarət, enerji, mədəniyyət və digər sahələrdə daha sıx əməkdaşlıq etməsi üçün imkanlar yaratmışdır. Bu səfər, həmçinin, Azərbaycan və Almaniyanın bir-birinə olan etibarını daha da artıracaq və qarşılıqlı faydalı layihələrin həyata keçirilməsi üçün zəmin hazırlayacaqdır. Bu nöqteyi-nəzərdən, Almaniya Prezidentinin səfəri, iki ölkə arasında mövcud əlaqələri daha da inkişaf etdirmək və yeni mərhələyə keçirmək üçün böyük imkanlar yaradacaqdır.

Nəbi Ağayev

K.Y.Fərəcova adına Elmi-Tədqiqat Pediatriya İnstitutunun

PHŞ-nin Uşaq Bərpa Mərkəzinin Təsərrüfat bölmə müdiri