Aviaqəzadan sonra çaydan 19 cəsəd tapılıb - VİDEO

Xəbər verdiyimiz kimi ABŞ-nin Ronald Reyqan adına hava limanı yaxınlığında dəhşətli təyyarə qəzası olub. Təyyarə və helikopterin toqquşması nəticəsində xeyli sayda insan ölüb. Ən azı 19 cəsəd Potomak çayından çıxarıldığı bildirilir. BNO News informasiya portalının yaydığı məlumata görə, ölü sayı arta bilər.

Artıq ABŞ prezidenti Donald Tramp da Vaşinqtonda baş vermiş faciəvi təyyarə qəzasına reaksiya verib.

O, qeyd edib ki, Ronald Reyqan adına hava limanı yaxınlığında ABŞ ordusuna məxsus Sikorsky H-60 ​​hərbi helikopteri ilə Bombardier CRJ700 sərnişin təyyarəsinin toqquşmasının qarşısını almaq olardı.

Qeyd edək ki, PSA Airlines tərəfindən American Airlines üçün 5342 saylı uçuşu həyata keçirən Bombardier CRJ700 təyyarəsi Vaşinqtonun Reyqan Beynəlxalq Hava Limanında 33-cü uçuş-enmə zolağına yaxınlaşarkən qəzaya uğrayıb. O, havada Sikorsky H-60 ​​helikopteri ilə toqquşub. Təyyarə Kanzas ştatının Viçita şəhərindən havaya qalxıb.

American Airlines bildirib ki, Kanzasdan uçan təyyarədə 60 sərnişin və 4 ekipaj üzvü olub. Helikopterin göyərtəsində ən azı üç hərbçi olub. Helikopter təlim uçuşunda idi.