ABŞ Venesuela neftini daşıyan daha bir tankeri ələ keçirdi

ABŞ Karib dənizində, Trinidad və Tobaqo yaxınlığında “Olina” adlı neft tankerini ələ keçirib.

News365.az xəbər verir ki, bu barədə “Reuters“ ABŞ rəsmilərinə istinadən məlumat yayıb.

Bu, Vaşinqtonun Venesuelanın neft ixracını məhdudlaşdırmaq məqsədilə son həftələrdə ələ keçirdiyi beşinci tanker olacaq.

ABŞ rəsmisi bildirib ki, “Olina” gəmisi Timor-Lestə bayrağı altında Venesueladan yola çıxıb və daha sonra Karib regionuna qayıdıb.

Bu əməliyyatlar ABŞ-ın Venesuelanı hədəfə alan sanksiyalar çərçivəsində neft daşıyan “kölgə donanması” şəbəkəsinə qarşıdır./APA