Avropa Parlamenti Aİ–ABŞ ticarət sazişi üzrə səsverməni təxirə salıb

Avropa Parlamenti Aİ–ABŞ ticarət sazişi ilə bağlı planlaşdırılan səsverməni təxirə salıb. 

News365.az xəbər verir ki, qərar ABŞ Prezidenti Donald Trampın idxala 15 faiz həcmində ümumi tarif tətbiq etməsindən sonra verilib.

Məlumata görə, yeni tarif qərarı tərəflər arasında ticarət münasibətlərinə təsir göstərib və sənədin taleyi ilə bağlı əlavə məsləhətləşmələrə ehtiyac yaradıb.

Qeyd edək ki, Aİ və ABŞ arasında ticarət danışıqları son aylarda intensiv müzakirə mövzusu olub.