Vyetnam hökuməti Telegram-ı bloklayır: Səbəb kriminal fəaliyyətlərlə bağlıdır

Vyetnam hökuməti populyar mesajlaşma platforması olan Telegram-ın ölkədə bloklanmasına göstəriş verib. 

News365.az xəbər verir ki, bu barədə "Reuters" məlumat yayıb. 

Rəsmilərin bildirdiyinə görə, Telegram ölkənin hüquq-mühafizə orqanları ilə əməkdaşlıqdan imtina edib və bu, kriminal fəaliyyətlərlə mübarizəni çətinləşdirib. Polis qeyd edir ki, ölkədə fəaliyyət göstərən 9600-dən çox Telegram kanalından 68%-i qanunları pozur – o cümlədən fırıldaqçılıq, narkotik ticarəti və bəzi hallarda terror fəaliyyəti ilə məşğuldur. 

Vyetnamın telekommunikasiya şirkətlərinə göstəriş verilib ki, Telegram-a girişin bloklanması üçün texniki tədbirlər görsünlər və iyunun 2-dək bu barədə rəsmi hesabat təqdim etsinlər.