Uşağı əngəlli doğuldu - MİLYON DOLLAR TƏZMİNAT ALDI

ABŞ-ın Yuta ştatında 2019-cu ildə baş verən hadisə ölkə gündəminə oturub. Anyssa Zancanella adlı qadının suyu vaxtından əvvəl gəldiyi üçün təcili şəkildə xəstəxanaya aparılsa da, tibbi laqeydlik səbəbindən ancaq ikinci gün sezaryen əməliyyatına alınıb.

News365.az xəbər verir ki, bu müddətdə körpə Azaylee beyninə kifayət qədər oksigen getmədiyi üçün ağır əlilliklə dünyaya gəlib. Hadisəyə görə məhkəmə xəstəxananı rekord məbləğdə — 951 milyon dollar təzminat ödəməyə məhkum edib.

Mütəxəssislər bu qərarı həm hüquqi, həm də səhiyyə sistemində məsuliyyət anlayışının güclənməsi baxımından tarixi addım kimi qiymətləndirir.