Türkiyədə qorxulu anlar: təyyarəni ildırım vurdu
Dünya
05 Apr 2025 23:45
Türkiyədə Sabiha Gökçən–Bodrum reysini həyata keçirən “Peqasus” aviaşirkətinə məxsus sərnişin təyyarəsi əlverişsiz hava şəraiti səbəbilə Bodrum Milas Hava Limanına eniş edə bilməyib və məcburi olaraq Dalaman Hava Limanına yönləndirilib.
News365.az xəbər verir ki, bu barədə Türkiyə mediası məlumat yayıb.
Məlumata görə, hava şəraitinin sabitləşməsindən sonra təyyarə Bodrum reysini tamamlamaq üçün yenidən havaya qalxıb. Lakin bu dəfə də təyyarəni ildırım vurub.
Hadisə nəticəsində xəsarət alan olmayıb. Təhlükəsizlik qaydalarına uyğun olaraq təyyarə eniş edib və sərnişinlərin təhlükəsizliyi təmin olunub.
