Ayda 222 metrlik nəhəng krater aşkarlanıb

Ayın səthində yaranması uzun müddət müşahidə olunmayan nəhəng krater aşkar edilib.

News365.az xəbər verir ki, NASA-nın “Lunar Reconnaissance Orbiter” kosmik aparatı Ayın səthində diametri təxminən 222 metr, dərinliyi isə 43 metr olan yeni krater müəyyənləşdirib.

Tədqiqatçılar hesab edirlər ki, krater 2024-cü ildə asteroid və ya komet parçasının Ay səthinə çırpılması nəticəsində yaranıb. Zərbə Ayın 100 kilometrdən çox ərazisinə təsir edib.

Alimlər bildirirlər ki, belə böyük zərbələr nadir hadisədir və orta hesabla təxminən 132 ildə bir dəfə baş verə bilər. Kəşf gələcəkdə Ayda qurulacaq infrastruktur üçün kosmik zərbə risklərinin qiymətləndirilməsinə də kömək edə bilər.