İnsan beyninin əslində iki ayrı sistemdən yarandığı üzə çıxıb

İnsan beyninin quruluşu ilə bağlı yeni araşdırma alimləri milyonlarla il əvvələ aparıb.

News365.az xəbər verir ki, Stanford Universitetinin alimləri beynin iki fərqli hüceyrə sistemindən inkişaf etdiyini müəyyənləşdiriblər. Tədqiqat bu iki sistemin təkamül prosesində birləşərək indiki beyin quruluşunun formalaşmasına səbəb ola biləcəyini göstərir.

Araşdırmanın daha maraqlı tərəfi isə alimlərin insanın beyin kötüyünə aid neyronları laboratoriyada yetişdirə bilməsidir. Bu, amiotrofik lateral skleroz və onurğa əzələlərinin atrofiyası kimi xəstəliklərin öyrənilməsi üçün yeni imkanlar yarada bilər.

Alimlər hesab edirlər ki, nəticələr insan beyninin necə formalaşdığını anlamağa yeni istiqamət verə bilər.