Türkiyədə FETÖ şəbəkəsinə ağır zərbə: 160 nəfər saxlanıldı

Türkiyənin daxili işlər naziri Ali Yerlikaya FETÖ terror təşkilatına qarşı bu gün həyata keçirilən əməliyyatlarla bağlı ictimaiyyətə açıqlama verib.

News365.az-ın məlumatına görə, nazir bildirib ki, ölkə üzrə təhlükəsizlik qüvvələrinin apardığı koordinasiyalı tədbirlər nəticəsində 160 nəfər saxlanılıb.

Ali Yerlikaya vurğulayıb ki, saxlanılan şəxslər FETÖ-nün müxtəlif strukturları ilə əlaqədə şübhəli bilinirlər. Onların barəsində istintaq tədbirləri davam etdirilir, hüquqi prosedurlar qanunvericiliyə uyğun şəkildə aparılır.

Nazir qeyd edib ki, FETÖ ilə mübarizə Türkiyənin milli təhlükəsizlik siyasətinin əsas istiqamətlərindən biridir və bu istiqamətdə əməliyyatlar fasiləsiz davam etdiriləcək.