Türkiyə hərbi təyyarəsinin şəhid heyətinin fotoları yayıldı

Gürcüstan ərazisində qəzaya uğrayan Türkiyə Hərbi Hava Qüvvələrinə məxsus “C130” tipli hərbi-nəqliyyat təyyarəsində olan bütün heyət üzvləri şəhid olub.

Daha əvvəl bildirildiyi kimi, təyyarədə ümumilikdə 20 hərbçi var idi və onların hamısının həyatını itirdiyi rəsmi şəkildə təsdiqlənib.

Təyyarə hərbiAzərbaycandan Türkiyəyə dönərkən Gürcüstanın dağlıq bölgəsində qəzaya uğrayıb. Axtarış-xilasetmə qrupları çətin relyef və hava şəraitinə baxmayaraq hadisə yerinə çatıb və təyyarənin qalıqlarını aşkarlayıb. Cəsədlərin Türkiyəyə gətirilməsi ilə bağlı proses davam etdirilir.

Bu arada, sosial şəbəkələrin – xüsusilə də “X” platformasının Türkiyə seqmentində – şəhid heyət üzvlərinin fotoları yayılmağa başlayıb. Hadisə Türkiyəni və Azərbaycanı yasa boğub.

Musavat.com bildirir ki, Türkiyə mediası uçuş heyətinin siyahısını da yayıb. Həmin siyahını təqdim edirik.

Gökhan Korkmaz

Serdar Uslu

Nihat İlgen

Cüneyt Kandemir

Emre Mercan

Nuri Özcan

Ümit İnce

Burak Özkan

Emrah Kuran

Hamdi Armağan Kaplan

Akın Karakuş

İlker Aykut

Ramazan Yağız

Emre Altıok

Burak İbbiği

İlhan Ongan

Berkay Karaca

Ahmet Yaşar Kuyucu

Cem Dolapçı

Emre Sayın

Rəsmi dairələr şəhidlərin bioqrafik məlumatlarının yaxın saatlarda açıqlanacağını bildirir.

Hazırda həm qəzaya səbəb olan texniki və ya hava amillərinin araşdırılması, həm də hadisə ilə bağlı rəsmi ekspertizalar davam edir.

Türkiyədə hadisə ilə bağlı 1 günlük milli matəm elan olunacağı gözlənilir. Dövlət rəhbərliyi şəhidlərin ailələrinə dəstək göstəriləcəyini açıqlayıb.