Şəhərdə dron hücumuna görə 3 nəfər öldü

Rusiyanın Ukraynanın Odessa şəhərinə dron hücumu nəticəsində 3 nəfər həlak olub.

News365.az xəbər verir ki, bu barədə Odessa Şəhər Hərbi Administrasiyasının rəhbəri Sergey Lısakın məlumat verib.

"Gecə baş verən hücumda bir uşaq da daxil olmaqla üç nəfər həlak olub. Daha 10 nəfər yaralanıb, onlardan ikisinin vəziyyəti ağırdır. Şəhərin Primorski rayonunda çoxmərtəbəli yaşayış kompleksi və yeddi fərdi evə ziyan dəyib",-deyə o, bildirib.

Sergey Lısakın sözlərinə görə, Kiyev rayonunda bir çoxmərtəbəli bina, beş fərdi ev, özəl məktəbəqədər təhsil müəssisəsi, mağaza və 27 avtomobilə ziyan dəyib.