Rusiyada adam öldürməkdə şübhəli bilinən azərbaycanlı SAXLANILDI – FOTO/VİDEO
Hadisə
19 Apr 2024 17:13
Moskvada parklanma yeri üstündə 24 yaşlı yerli sakini bıçaqla öldürməkdə şübhəli bilinən Azərbaycan vətəndaşı Şahin Abbasov Rusiya Daxili İşlər Nazirliyinin əməkdaşları tərəfindən Rostov vilayətində saxlanılıb.
Bu barədə Rusiyanın hüquq-mühafizə orqanları məlumat yayıb.
O, dindirilmək üçün İstintaq Komitəsinə aparılıb. Abbasov iki günə yaxın axtarılıb.
Qeyd edək ki, Şahin Abbasov Rusiya vətəndaşı Kirill Kovalevin qətlində şübhəli bilinir.
Aprelin 18-də “Shot Telegram” kanalının yaydığı məlumata görə, Kovalev Lyublinoda nişanlısının evinin yaxınlığında avtomobili səkidə saxlayan “Toyota Camry”nin sürücüsü ilə mübahisə etdikdən sonra bıçaqlanaraq öldürülüb.
Youtube kanalımız
