"Rəsmi Vaşinqton Paşinyanın çiyninə vurub deyəcək ki,.." - Aleksey Fenenko

“ABŞ-da Tramp administrasiyası ABŞ-ın vitse-prezidenti Venslə Nikol Paşinyan arasında görüşlə nümayişkaranə şəkildə Ermənistanın baş nazirinə stavka etdiyini və onunla dialoqa hazır olduğunu göstərdi. Ona görə də Rusiya üçün bu barədə düşünmək üçün böyük səbəb var. Əgər ABŞ Paşinyana onun KTMT-dən mümkün çıxması ilə bağlı bəyanatları fonunda bu cür davranırsa, bu, özlüyündə onu göstərir ki, Amerika üçün Ermənistan istiqaməti prioritetlərdən biridir”.

News365.az xəbər verir ki, bunu Rusiya Beynəlxalq Məsələlər Şurasının sədri Aleksey Fenenko Ermənistanın baş nazirinin ABŞ səfərini şərh edərkən deyib. O, bildirib ki, Tramp administrasiyası işə yeni başlayıb:

“ABŞ-ın vitse-prezidenti Vens isə artıq erməni istiqamətinə maraq göstərib. Təbii ki, onlar Ermənistanı özlərinə bərabər hesab etmirlər. Amma yenə də… ABŞ-da Paşinyan hamı ilə görüşüb. Eyni zamanda, Ermənistan hökumətinin başçısı Rusiya ilə, o cümlədən İrəvanla Bakı arasında sülh sazişi məsələsində daim gərginliyi artırır. Və bütün istiqamətlərdə o, təkcə Qərbin dəstəyinə arxalanmır.

Paşinyan yaxşı başa düşür ki, Qərb onunla razılaşdıqca və onu dəstəklədikcə baş nazir postunda qalacaq. Ermənistanda qərbyönümlü QHT-lər o qədər güclənib ki, lazım gələrsə, indiki baş nazirin yerinə asanlıqla bir əvəz tapa bilirlər. Ona görə də o, çox gözəl başa düşür ki, onun gücü ABŞ-ın dəstəyindən asılıdır.

Tramp diqqətini ilk növbədə Yaxın Şərqə, bu və ya digər dərəcədə Ukraynaya yönəldib. Və onlar Paşinyana nümayiş etdirirlər ki, Ermənistan üçün döyüşməyəcəklər. Türkiyə ilə ciddi münaqişə olmayacaq. Ona görə də sənin çiyninə vuracaqlar, deyəcəklər ki, yaxşı gedirsən, əgər sən özünü Rusiyadan azad edib KTMT-dən çıxsan, bu, əla olar, biz səni demokrat, liberal və nə istəsən, elan edəcəyik. Lakin ABŞ öz hesabına sizə konkret yardım göstərməyə hazır deyil. Yəni Ermənistan onlar üçün o qədər də önəmli deyil.

Baydenin Ermənistanı necə fəal dəstəklədiyini gördük. Demokratların etnik ermənilər arasında həmişə güclü mövqeləri var. Lakin ABŞ İrəvan qarşısında şərt qoyur ki, Ermənistan KTMT ilə qarşılıqlı fəaliyyətdən Qərblə müttəfiqliyə istiqamətlənməlidir. Ancaq açığını deyim ki, Ermənistana Qərbin müttəfiqi statusunu heç kim vermir. Bu, Qafqazda Rusiya üçün çətinlik yaradacaq “Qərbin könüllü köməkçisi” statusudur. Və eyni zamanda Azərbaycan üçün gərginlik yaradır”.

News365.az