Radikal şiə oxuna qarşı ittifaq qururuq - Netanyahu

Aralıq dənizi ətrafında və Yaxın Şərq daxilində bütöv bir sistem, ittifaq qururuq.

News365.az xəbər verir ki, bunu İsrailin Baş naziri Benyamin Netanyahu deyib.

“Bu ittifaqa Hindistan, Ərəb ölkələri, Afrika ölkələri, eləcə də Yunanıstan və Kipr kimi Aralıq dənizi ölkələri daxildir. Həmçinin hazırda adlarını açıqlamaq istəmədiyim bəzi Asiya ölkələri də bura daxildir.

Məqsəd reallığı, qarşıdakı çağırışları və hədəfləri eyni baxış prizmasından qiymətləndirən ölkələr oxu yaratmaqdır. Həm bizim mübarizə apardığımız və qətiyyətlə qarşı durduğumuz radikal şiə oxuna, həm də radikal sünni oxuna qarşı bir ox”, - o bildirib.