"Tramp bildiyimiz şoumendir"- Natiq Cəfərli

ABŞ-la İran arasında atəşkəsin elan olunması neftin qiyətinə böyük ölçüdə təsir edib. Belə ki, bir neçə saat ərzində neft 14%-ə yaxın ucuzlaşdı. Və 94 dollara qədər eniş etdi. Yəqin ki, yaxın günlərdə tərəflər arasında istənilən bir sənəd imzalansa, 70-80 dollar koridoruna yerləşəcək.

Mövzu ilə bağlı fikirlərini bölüşən iqtisadçı Natiq Cəfərli yazır ki, yetim Tramp İranı vurmaq istəyir – deyirsiz dəlidir, başını-ağlını itirib, vurmur – deyirsiz, qorxaqdı, geri çəkildi:

“Bəs nə etsin? Son 40 gündə 4 dəfə demişdik ki, müharibə bitən kimi hamı özünü qalib elan edəcək, neft düşəcək, müəyyən sabitlik yaranacaq. Amma, bu 40 günlük müharibənin fəsadları, nəticəsi, hardasa, yaxın 2-3 ayda bilinəcək, İran daxilində proseslər daha da sürətlənəcək.

Tramp isə bildiyimiz şoumendir, bir 40 gün sonra da Kubanı həll edib, İranı unutduracaq, necə ki, İranla başlayıb Venesuellanı unutdurdu.

Əsas odur ki, fəlakət ssenariləri olmasın, neft-qazın qiyməti bir az düşsün, alan da, satan da razı qalsın”.

News365.az