Paşinyan bu döyüşdən qalib çıxarsa ...- TƏHLİL

Ermənistanda hakimiyyətlə-kilsə arasında sonuncu raund döyüş başladı. Bu döyüşün qalibini kimin güclü tərəf olmasından çox, cəmiyyətin kimin tərəfində dayanması müəyyən edəcək. Son döyüş təkçə Ermənistan daxilində qüvvələr bölgüsünü yenidən müəyyən etməyəcək, bu döyüş bu ölkənin hansı istiqamətdə irəliləyəcəyini müəyyən edəcək. Artıq hakimiyyətlə-kilsə arasında təmaslar diplomatik etiketdən verbal işarələrə keçib.

Qarabağ klanı, ordu və kilsə arasında uzun illər dərin əməkdaşlıq formalaşmışdı. Koçaryan və Sarkisyan hakimiyyətlərini uzun illər ərzində bir tərəfdə ordu, digər tərəfdə kilsə sahəsində qoruyub saxlaya bilmişdi.

Nikol Paşinyanın rəhbərliyi ilə başlayan siyasi dalğa Koçaryanla, Sarkisyanı və onlara bağlı Qarabağ klanını vurub sahilə atmağı bacardı.

44 günlük Vətən müharibısi və 23 saatlıq xüsusi əməliyyat işğal dönəmindən formalaşmış güclü ordu mifini dağıtdı, bunun nəticəsində Paşinyan ordunu tam nəzarətə almağı bacardı.

Bu üçlüyün ən sonuncu halqası kilsədir. Digər iki halqadan fərqli olaraq kilsə daha güclü və sistemləşmiş görsənirdi. Ona görə həm daxildə olan bəzi qüvvələr, həm kənarda olan diaspora son şans olaraq bütün stavkaları kilsəyə qoymağa başladılar.(https://www.facebook.com/share/p/1AuYS5ovf1/)

Paralel olaraq Ermənistanda marağı olan və burada öz təsir imkanlarını saxlamağa çalışan dairələrdə kilsə üzərindəm Paşinyan və komandasının üzərinə gedirdi.

Bu son döyüş ciddi dönüş nöqtəsi olacaq.Əgər Paşinyan bu döyüşdən qalib çıxarsa 2026-cı il seçkilərinə daha güclü formada gedəcək.

Aqil Məmmədov, ekspert