Naxçıvanda bu il 143 qida zəhərlənməsi qeydə alınıb

Cari ilin ilk doqquz ayında 227 müraciət əsasında 143 qida mənşəli zəhərlənmə faktı qeydə alınıb.

News365.az xəbər verir ki, bu barədə Naxçıvan Muxtar Respublikası Qida Təhlükəsizliyi Agentliyinin Qida zəncirinə nəzarət şöbəsinin müdiri Orxan Orucov məlumat verib.

Onun sözlərinə görə, zəhərlənmələrin əksəriyyəti məişət şəraitində düzgün saxlanma və istifadə qaydalarına əməl edilmədən istehlak olunan qidalardan qaynaqlanıb.