NASA, FED və Senat Hədəfdə İdi: Vaşinqton Çin hakerlərinin bazasını müsadirə etdi

ABŞ Pekinin Böyük Kiber-Kəşfiyyat Şəbəkəsini İfşa Etdi: QScan və QTRouter Platformaları Sıradan ÇıxarıldıAmerika Birləşmiş Ştatlarının təhlükəsizlik strukturları illərdir qlobal miqyasda gizli fəaliyyət göstərən və Çinlə əlaqələndirilən ən böyük kiber-şəbəkələrdən birinə ağır zərbə vurub.

ABŞ Ədliyyə Nazirliyinin açıqlamasına görə, 2018-ci ildən bəri strateji dövlət qurumlarına və mühüm obyektlərə fasiləsiz kiberhücumlar təşkil edən haker infrastrukturu tamamilə iflic edilib.Əməliyyat çərçivəsində hücumların həyata keçirilməsində və izlərin gizlədilməsində əsas rolu oynayan QScan və QTRouter platformalarının daxil olduğu internet domenləri müsadirə olunub.

Pekinin İzlərini Gizlədən "Nanjing" ŞəbəkəsiVaşinqton bu genişmiqyaslı kiber-əməliyyatların arxasında Çinin Nankin şəhərində yerləşən “Nanjing Xinjiuwei Network Technology Company” şirkətinin dayandığını bildirir.

İstintaq sənədlərində qeyd olunur ki, sözügedən özəl texnologiya şirkəti Çin Dövlət Təhlükəsizliyi Nazirliyi və Çin Xalq Azadlıq Ordusuna (XAO) sifarişlə kiber-kəşfiyyat və haker xidmətləri göstərib.Kiberhücumların Hədəfində Kimlər Var İdi?İllərlə davam edən casusluq əməliyyatları çərçivəsində bəzi kritik qurumlardan məlumatlar sızdırılsa da, bir çox cəhdlər müdafiə sistemləri tərəfindən dəf edilib:Zərər çəkən və hədəf alınan əsas qurumlar:

ABŞ Ədliyyə Nazirliyi, Senat, Federal Ehtiyat Sistemi (FED), NASA, Energetika Nazirliyi, Səhiyyə və İnsan Xidmətləri Nazirliyi və Milli Səhiyyə İnstitutları.Özəl sektor zərbələri (May 2024): Müdafiə sənayesi podratçıları, iri maliyyə qurumları, universitetlər, eləcə də ABŞ və Cənubi Koreyanın 4 texnologiya şirkətindən mühüm məlumatlar oğurlanıb.Laboratoriya hücumları (Sentyabr 2024): Energetika Nazirliyinin 3 məxfi laboratoriyasına, səhiyyə strukturlarına və təhlükəsizlik avadanlığı istehsalçılarının daxili şəbəkələrinə qanunsuz müdaxilələr edilib.Uğursuzluqla Nəticələnən Haker CəhdləriABŞ kiber-strukturlarının (FTB və NSA) hesabatında hakerlərin hər cəhdinin uğurla nəticələnmədiyi də vurğulanır:

Avqust 2019: NASA-nın daxili şəbəkəsinə VPN sistemindəki boşluq vasitəsilə sızmaq istəsələr də, cəhd boşa çıxıb.

Mart 2026: ABŞ Senatının və iri xəstəxana komplekslərindən birinin sistemlərində zəif nöqtələr axtarılaraq şəbəkəyə daxil olunmağa cəhd edilib, lakin təhlükəsizlik səddini keçmək mümkün olmayıb.

FTB və tərəfdaşlarının həyata keçirdiyi bu texniki əməliyyat Çinin dövlət dəstəkli kiber-casusluq şəbəkələrinə son illərdə vurulmuş ən ciddi zərbələrdən biri kimi qiymətləndirilir.