“Mənim əlacsızlığımmı?”- İradə İsaqdan paylaşım

Jurnalist İradə İsaq feysbuk səhifəsində paylaşım edib. 

News365.az paylaşımı təqdim edir:

“Yazmıram daha heç nə,

Nə deyim? 

Sənin insafsızlığınmı şeir olmalı, 

Mənim əlacsızlığımmı? 

Bilmirəm! 

Amma getməyən qadınların sevgiləri deyil,

Limanları olmur... Bilmirsən! 

Şeirin gücü çatmaz əlacsız qadının qəlbini göstərməyə, 

Dərdini çəkməyə, gözünə baxmağa. 

Heç döyməkdən göyərmiş dizlərinin rəngini göstərə bilməz misralar. 

Beynində qaçacaq yerlərin, planların sayı varmı ki? 

Hansını təsvir etsin sətirlər? 

Heç kimin yanında bir əlçim yer olmaz ona. 

Yenə qırar, qucar dizini. 

Ən doğmasını, ən əzizini. 

Dözər qadınlar, susar qadınlar, qalar qadınlar. 

Kölgə kimi... “

News365.az