Maştağada tanışını qətlə yetirən şəxsə hökm oxunub

Bakıda tanışını qətlə yetirməkdə təqsirləndirilən Rəşid Babayevin cinayət işi üzrə sonuncu məhkəmə prosesi keçirilib. 

News365.az APA-ya istinadla  xəbər verir ki, bu gün Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən prosesdə hökm oxunub. 

Hökmə əsasən, təqsirləndirilən Rəşid Babayev 9 il müddətə azadlıqdan məhrum edilib. 

Qeyd edək ki, hadisə ötən il 3 mayda Maştağa qəsəbəsində baş verib. Rəşid Babayev Roman Əsgərova kəsici-deşici alətlə xəsarətlər yetirib. Yaralı xəstəxanaya çatdırılsa da, onun həyatını xilas etmək mümkün olmayıb. 

Təqsirləndirilən Rəşid Babayevə Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.