Masallıda bu kəndin sakinləri yollardan ŞİKAYƏTÇİDİR

Masallının Təklə kəndinin sakinləri qışda palçıq, yayda isə toz- torpaq əlindən artıq təngə gəlib. Sakinlər deyir ki, onlar illərdir yolun təmiri ilə bağlı aidiyyatı qurumlara müraciət etsə də şikayətə baxan yoxdur. Kənddə yas mərasimi olanda isə vəziyyət daha da acınacaqlı olur. Çünki dünyasını dəyişən adamı məzarlığa aparmaq mümkün olmur.

Təklənin əsas küçəsindən sahələrə, örüşə gediş-gəliş var. Şikayətçilərin sözlərinə görə yollar keçilməz olduğundan çox vaxt məcbur olub, 1 km əlavə yol qət edib, digər küçədən keçmək məcburiyyətində qalırlar.

Təklə kənd bələdiyyə sədri İlkin Kərimov deyir ki, növbəti ilə kimi yolların asfaltlanması ancaq o vaxta kimi daxili imkanlar hesabına yolda müəyyən  işlərin görülməsi nəzərdə tutulub.

Qeyd edək ki, Təklə kənd ərazisində 10.000-ə yaxın əhali yaşayır.