Lvovda naməlum şəxs məscidi yandırmağa cəhd edib

Ukraynanın Lvov vilayətində maskalı şəxs məscidi yandırmağa cəhd edib.

News365.az xəbər verir ki, bu barədə "RBK-Ukrayna" Lvov vilayəti polsinə istinadən məlumat yayıb.

Məlumata görə, hadisə aprelin 28-i axşam saatlarında baş verib.

Qeyd olunur ki, naməlum şəxs məscidə içərisində yandırıcı maye olan iki şüşə ataraq qaçıb. Şüşələrdən birinin içindəki maye alovlanıb, lakin yanğınsöndürənlər gələnə qədər alov söndürülüb.

Müsəlman icması bu hadisəni təxribat adlandırıb, onun məqsədinin dindarları qorxutmaq və cəmiyyət daxilində dini düşmənçiliyi alovlandırmaq olduğunu bildirib.