Jurnalist həmkarlarımız niyə tez məmurlaşır?

Bu gün hər bir jurnalist ilkin mənbədən və dəqiq informasiya almaq istəyir. Amma ilkin mənbə- mətbuat xidməti çox zaman jurnalistin sorğusuna nəinki cavab vermir, hətta bəzi hallarda ona ağıl öyrətməyə çalışır.

Təbii ki, bu da haqlı narazılığa səbəb olmaqla yanaşı, jurnalistin informasiya almaq hüququnu pozur.

“Teleqraf” Agentliyinin rəhbəri Aynur Camalqızı da bu məsələdən şikayətçidir.

O, bu barədə özünün sosial səhifəsində yazır:

“Bizim jurnalist həmkarlarımız, dostlarımız, əzizlərimiz niyə dövlət qurumlarının mətbuat xidmətinə işə düzələn kimi, - təbii, istisnalar var, - mediaya yuxarıdan aşağı baxırlar, eks həmkarlarını saymırlar, iqnor edirlər? Nə baş verir? Dünənədək məmur etinasızlığını, diqqətsizliyini, məsuliyyətsizliyini tənqid edənlər, niyə məmur olan kimi etinasızlaşırlar, məmurlaşırlar? Amma yaxşı mənada yox...”

News365.az