İranda ölənlərin sayı artdı

ABŞ və İsrailin İrana qarşı 40 günlük hərbi hava hücumları nəticəsində İranda ölənlərin sayı 3 468 nəfərə yüksəlib.

News365.az xəbər verir ki, bunu İranın Şəhid və Veteranların Məsələləri üzrə Fondun direktor müavini Fəridə Oladqubad yerli mediaya açıqlamasında deyib.

Onun sözlərinə görə, qeyd olunan ölüm sayına hərbçilər və mülkilər daxildir.

Oladqubad əlavə edib ki, fondun kimliyin müəyyənləşməsi komitəsində ölənlərin şəxsiyyətinin müəyyənləşməsi prosesi davam edir.

Fond rəsmisi bildirib ki, indiyə qədər fond tərəfindən ölənlərin ailələri ilə çoxsaylı görüşlər təşkil olunub və təşkil olunmaqdadır.