İran ordusu İraqda kürdlərin obyektlərinə zərbələr endirdi - FOTO

İran silahlı qüvvələri İraq Kürdüstanının Ərbil şəhərində bir sıra obyektlərə zərbələr endirib.

Yerli KİV-in məlumatına görə, hücumun hədəfi “separatçı terror təşkilatının düşərgələri” olub.

Sosial şəbəkələrdə yayılan görüntülərdə məhz həmin obyektlərə zərbələrin əks olunduğu iddia edilir.

Bundan əlavə, Əbu-Dabi dövlət neft şirkəti ADNOC-a məxsus iki tanker Hörmüz boğazında hücuma məruz qalıb. İlkin məlumatlara görə, insident nəticəsində ekipaj üzvlərindən heç kim xəsarət almayıb.

Hücuma kimin məsuliyyət daşıdığı hələlik müəyyən edilməyib.