Ebru Gündeşə görə Hadisəni izləmədiyini etiraf etdi

Türkiyəli müğənni Demet Akalın həmkarı Hadisə ilə bağlı sualı cavablamaqdan imtina edib.

"Söylemezsem olmaz" proqramına qonaq olan ifaçı "Esas oğlan" serialında rol alan Hadisənin aktrisalığı ilə bağlı sualı cavabsız qoyub. O, müğənni Ebru Gündeşlə münasibətləri səbəbindən Hadisəni izləmədiyini bildirib:

"Hadisəni izləmədim, izləmərəm də. Mən Ebru Gündeşçiyəm. Nə mahnılarını dinləyərəm, nə də serialını izləyərəm. Ona görə də bu haqda şərh bildirə bilmərəm. Allah işinə xeyir versin".

Qeyd edək ki, Ebrunun keçmiş həyat yoldaşı Reza Zərrabın ona Hadisə ilə xəyanət etdiyi iddia olunub. Bundan sonra Hadisə Ebrunun da münsif olduğu "O səs Türkiyə"dən uzaqlaşdırılıb.